Søndag spelte Samnanger sitt herrelag mot Rosendal, på Rosendal stadion. Andreomgang var jamnare, men så heada motstandarane ein ball i mål, ti minutt før kampslutt.
– Kampen gjekk litt som venta, eigentleg, seier trenar Dan Martinsen.
Han enda 5-0.
Lang reiseveg
Rosendal er eitt av topplaga i serien. Martinsen meiner det store tapet mellom anna kan forklarast med skadar, jobb, eksamen, konfirmasjon, og alder på spelarane.
– Me reiste ned med fem 14-15-åringar. To av spelarane hadde ikkje spelt fotball på mange år. Det var ein ganske redusert gjeng.,
Når det er langt å reisa til kamp, opplever trenaren at det er mange spelarar som ikkje har moglegheit til å bli med.
To unge samningar debuterte i A-klassen i denne kampen: Matas Zdancius og Magnus Erichsen-Hovland.
– Begge klarte seg svært bra, skriv Samnanger A på Facebook-sida til laget.
ER MED: Matas Zdancius (f.v.), Nicolai Bogevik Reistad og Magnus Erichsen-Hovland går i 9. klasse. Matas og Magnus deburterte i kampen mot Rosendal søndag. FOTO: Siri Ravn/Arkiv
Nye moglegheiter
Men snart kjem nye moglegheiter for løwene. Alt i kveld (tysdag) speler Samnanger sin neste kamp. Då møter dei Vaksdal/Dale/Stanghelle i Hagabotnane. Denne kampen vil bli direktesendt på TV, med sendingar både før og etter kampen.
Neste ordinære seriekamp er på søndag, mot Bergen Nord 2.