Varsla har fargen oransje.
Meteorologisk institutt melder at det kan koma mellom 100 og 150 mm nedbør lokalt på torsdag. Nedbøren er venta å gå over til byger og avta natt til fredag.
På vêrstasjonen i Kvitingen (Samnanger II) er det meld 117 mm nedbør torsdag.
KLISS BLAUTT: Det er oransje farevarsel i Samnanger for torsdag. FOTO: Skjermbilete
Fare for flaum
Alt regnet «kan føra til stengte vegar og bruer, og overvatn i tettbygde område», melder varsom.no.
Utsett i bratte skråningar
Jord- og flaumskredvarselet på oransje nivå gjeld for delar av Møre og Romsdal, Vestland og Rogaland.
Ronny Løland er jordskredvakt i NVE og uttalar seg slik til varsom.no:
– Temperaturstigning og sterk vind i fjellet vil bidra til snøsmelting. Dette vil auka faren for jordskred i varslingsområdet. Bratte skråningar, samt bekkar og elveløp med stor vassføring er spesielt utsett.
Han rår folk til å halda seg unna bratte skråningar, samt bekkar og elveløp med stor vassføring.
Faren skal vera over fredag morgon.
Anbefalingar:
- Hald deg oppdatert om situasjonen
- Sikra og flytt verdiar vekk fra utsette område (til dømes i kjellarar, og bilar, campingvogner etc. langs elver og bekkar)
- Rens stikkrenner, kummar og andre vassveger for snø/is, jord og grus, kvist og løv, slik at vatnet kan renna uhindra der det vanlegvis renn
- Følg lokale myndigheiter sine instruksjoner, og råd fra beredskapsmyndighetier
- Vurder om reisa er naudsynt
- Sjekk vegmeldinger på 175.no
- Tilpass farten og køer etter forholda
- Hald deg oppdatert om utviklingen av været, skred- og flaumsituasjonen
- Hald deg unna bratte skråningar, samt bekkar og elveløp med stor vassføring
- Tette vassvegar med oppdemma vatn kan forårsaka skred
Kjelde: Meteorologisk institutt (yr.no)