Heretter kan ein registrera resultatet sjølve via ei digital løysing som ligg på Samnanger kommune sine nettsider. Den som har behov for råd i samband med korona, kan framleis ta kontakt via koronatelefonen.
Alle dei 356 kommunane i landet har no fått på plass digital sjølvregistreringsløysing, opplyste Kommunal Rapport onsdag denne veka. Det var då ei veke sidan Helsedirektoratet bad alle kommunar om å tilby denne løysinga. Då hadde berre 130 av dei tilbodet.
Mindre oppfølging
Kommunen sitt smittesporingsteam vil no i mindre grad enn før følgja opp dei som er koronasmitta med råd og rettleiing. Folk må i større grad klara seg sjølve og ta ansvar for å informera nærkontaktane sine.
Om ein har fått grunnvaksinering (to dosar) og påfyllsdose, eller grunnvaksinering og har hatt covid-19 dei siste tre månadene, er det ikkje lenger nødvendig å ta ein PCR-test for å stadfesta positiv heimetest. Då er det nok å registrera resultatet i det digitale systemet. Alle andre, som ikkje har fått den nemnde vaksineringa/hatt covid-19, bør ta PCR-test, og då er det ikkje nødvendig å registrera positiv heimetest sjølv. Meir informasjon på kommunen sine heimesider.