Politiet fekk melding om ulukka kl. 15.35.
Ei kvinne som sat på motorsykkelen saman med ein mann, vart henta av luftambulansen. Mannen vart frakta til sjukehus i vanleg ambulanse, opplyser operasjonsleiar Tatjana Knappen i Vest politidistrikt til BT.
Både mannen og kvinna fekk helsehjelp på staden før dei vart henta, og skal ha vore vakne. Også førar og passasjer i personbilen skal ha vore bevisste.
– Det var ei alvorleg front mot front-ulukke mellom MC og bil, fortalde Knappen etter ulukka. Men politiet opplyste seinare at spor på staden tyda på at begge køyretøya hadde køyrt i same retning, og at motorsykkelen vart påkøyrd bakfrå. Politiet har difor beslaglagt førarkortet til bilføraren.
Dei to personane på motorsykkelen skal ha lege i vegbana etter ulukka.
Store mannskapsstyrkar rykte ut etter hendinga, og det var trafikale utfordringar på staden. Vegen var stengt i ein periode, men vart opna att rundt kl. 16.30.
Det oppstod lange køar på fylkesvegen etter ulukka. FOTO: Mathias Reistad