– Det er stor pågang av pasientar og høge tal på sjukmeldingar og anna fråvær i helsetenestene både i kommunane og på sjukehusa. Situasjonen er svært utfordrande. Difor set me i verk tiltak, seier helse- og omsorgsminister Ingvild Kjerkol i ei pressemelding.
Desse regionale tiltaka vert innførte med forskrift::
- Påbod om bruk av munnbind der det ikkje er mogleg å halda minst ein meter avstand i butikkar, kjøpesenter, kollektivtransport og taxi. Plikta til å bruka munnbind gjeld ikkje for barn under 12 år, eller for dei som av medisinske eller andre grunnar ikkje kan bruka munnbind.
- Påbod om at arbeidsplassar der heimekontor er mogleg utan at det går utover viktige og naudsynte tenester, skal sørgja for at tilsette jobbar heimefrå heile eller delar av veka.
- På private arrangement innadørs kan det vera maks 100 personar.
- Plikt for serveringsstader og arrangørar til å ha system for å registrera gjestar og for å varsla gjestar om smitteeksponering
- Krav om bordservering av alkohol for serveringsstader og arrangement med skjenkeløyve.
- Krav om sitjeplassar for serveringsstader med skjenkeløyve. Det kan maksimalt vera 600 i publikum på innandørs arrangement utan faste tilviste plassar. Dei skal delast i kohortar som ikkje er større enn 200.
Tiltaka er dei same som blei iverksette for Oslo kommune og fleire kommunar i Innlandet og Viken fylke torsdag.
Forskrifta om regionale tiltak gjeld for følgjande kommunar i føretaksområdet til Helse Bergen:
- Alver
- Askøy
- Austevoll
- Austrheim
- Bergen
- Bjørnafjorden
- Kvam
- Osterøy
- Modalen
- Samnanger
- Vaksdal
- Voss
- Øygarden